الرئيسيةالبوابةالتسجيلدخول

شاطر | 
 

 شن نهديلك غير سيف يدبحني يفش غليلك في عيدك انا محتار

اذهب الى الأسفل 
كاتب الموضوعرسالة
ليبيا
عضو جديد
عضو جديد
avatar

عدد الرسائل : 10
العمر : 37
تاريخ التسجيل : 03/04/2010

مُساهمةموضوع: شن نهديلك غير سيف يدبحني يفش غليلك في عيدك انا محتار   03.04.10 2:09

شن نهديلك ؟ غير سيف يذبحني ايفش غليلك في عيدك انا محتار؟

غير ملامــــــــي***وغير حزني والعنا والامي

وغير جرح وياس فيا كامي**نهديك الوفا ..ونبقي مونس ليلك

ونهديك صمتي وعبرتي وكلامي**وعيني ودمعي ونخلي الجفون دليلك

وكل الجواجي وخاطري والهامي**ونفسي وروحي شمع في قنديلك

يعني حياتي وعمري وعقاب ايامي**ماهن اخسارة فيك وفي تدليلك

وان قلتي اشوي نعطيك كل احلامي*وان قلتي اشوي من فوق الارض نشيلك

وان قلتي اشوي ما عاد شي قدامي**غير اني انغامرولحظة اتغفي نجيلك

انبوس خدك وترق كل عزامي**ونظمك بلهفة ومن دنيتي نشكيلك

ونمسك ايديك لين نشعر بدمي حامي**ونرفع ايديا ومن فرحتي ندعيلك

يصونك الله ويحميك ربي الحامي**ويارب ندعي بكرة نكون حليلك

شن نهديلك؟؟

غير وادي الـــــــــدم******** اللي جوا عروقي النازحات ايجم

وغير كبد حرفة في الضلوع انلم***نهديك الوريد لو كان الوريد ايشيلك

يا اغلي علي من اخوتي والام*****ومن بوي... في خاطري نحكي لك

لا تسئليني كيف وامتي اوكم*****كي نبعد عليك نشوفني نمشي لك

حتي ان عليّ قصرن اطراف الكم***ما عندي معاكي روح كي نهلبك نوميلك

الحاسد السانه انقص كان ايذم****اطراف خصرك البارزة في ميلك

فيك خزرة وبسمة اشفاه وفم ***تجلي الظالم والمنظلم يأويلك

اللي جاورك من كل ظيم اسلم***واللي كارهك صيوره ايذوقه ويلك

انعادي اللي انعاديه كان انتم****فارس احلامك ونمتطيها خيلك

ونحمل اسلاحك وصدرك لصدري ايظم**ولو تصرخي من بين القبور انجيلك

فيك اوعليك وبيك راسي يهم****فوق كل فوق او فوق مانروي لك

غرامي معاكي في كنيني تم*******غرامي معاكي خالط نهاري بليلك

لولاك ما كنت ولانكون ولا نهتم***بخاطر تكدر ولا قلب عاش خليلك

لولاك ماكنت عن صوبي ضرير اصم***وكي نسمع بكا القديم نتركه ونجيلك

يا فلسطنية نهواك رغم الهم****وقلة الحيلة ويصعب علي تبديلك

و مني نصيحة للعرب ولكم*** لمن خاطرة يسوله وبسيته ناويلك

يا يشربه بحسرة ان خان السم***يا يعيش مخلص وحدود غايته تكليلك

الا انا عندي لا كيف لا امتي وكم***اشرف من الشرف عندي انعيش ذليلك

هدية خاصة لأهل خربثا بني حارث


حياتي قبل تحياتي
ليبيا


عدل سابقا من قبل ليبيا في 03.04.10 2:28 عدل 1 مرات (السبب : تصحيح خطا املاءي)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شن نهديلك غير سيف يدبحني يفش غليلك في عيدك انا محتار
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات الادبية :: منتدى الشعر والخواطر-
انتقل الى: