تخيلوا لو الاردني اشترك في برنامج مثل برنامج الرابح الاكبر شو رح يصير اولا بيبان الاردني من غيرة اولا من علامات الاردني الوزن 100 كيلو بس وكرشة لحالة يزن 100 كيلو بس هاد لازم لانة وجاهة لة ولعيلتة والكشرة طبعا ما تسألوش من غيرها ما تعرفوة والشوارب مترين والشعر نصة مافي والباقي بيوحد ربة وحاط بجنبة قربة ماء عامليتها اله امه من جلد الماعز الي ذبحوها على العيد الكبير قبل عشرين سنة لما كان عندهم حلال وجمال قبل ما يصيبهم الفقر والعوز المهم ولابس شورت على الطريقة الاردنية طبعا يعني موديل عمركم ما شفتوة كبير وعريض وتحت الركبة بشبرين واقصر من البنطلون بشوي يعني مو مبين هو شورت والابنطلون ولونة مو معروف هو احتمال يكون مونس بكل الوان الطيف لانة اصلا كان ابيض بس من كتر الغسيل صار مونس واما لو وصلنا لبوط الرياضة يا سلام اخر شياكة ماركة هات ايدك والحقني ولابس طبعا نظارة اسود ام الدينار من محلات ابن عمة في البلد عامل عليهم تنزيلات ولحق حالة واخد وحدة قبل ما يخلصوا وطبعا اول ما يدخل البرنامج ويتعرف على المشاركين معة بيعملة هوشة كبيرة وبينطرد من البرنامج وبيرجع لامة مرفوع الراس لانة الرابح الاكبر في ضرب المواس والقناوي وهيك ريح حالة من عناء التعب وما نزل منة ولا ربع اوقية بالع--مع شوية زيادة لزوم البرستيج واول ما وصل عند الاهل والاقارب عملوا لة عرس وجوزة بنت عمة نوفة الي كانت تستناة من قرن عند البير الغربي